थानकोट ।

तेस्रो मातातिर्थ गोल्डकप फुटबल प्रतियोगिता असोज ७ गतेबाट सुरु हुने भएको छ ।

मातातिर्थ संरक्षण तथा विकास संस्थाले आयोजना गर्ने प्रतियोगिता चन्द्रागिरि नगरपालिका-०६ मातातिर्थ बालागाउँस्थित खेल मैदानमा सञ्चालन हुनेछ ।

असोज २३ गतेसम्म सञ्चालन हुने प्रतियोगिताको विजेताले नगद ४ लाख रूपैयाँ, ट्रफी, मेडल र प्रमाणपत्र पाउने मातातिर्थ संरक्षण तथा विकास संस्थाले जनाएको छ ।

दोश्रो हुने टोलीले २ लाख ५० हजार रूपैयाँ ट्रफी, मेडल र प्रमाणपत्र पाउनेछ । यस्तै तेस्रो स्थान प्राप्त गर्ने टोलीले १ लाख ५० हजार रूपैयाँ, ट्रफी, मेडल र प्रमाण पत्र प्राप्त गर्दा उत्कृष्ठ टोलीले २० हजार प्रोत्साहन रकम पाउनेछ ।

व्यक्तिगत विधा तर्फ सर्वोत्कृष्ठ खेलाडी, सर्वाधिक गोल कर्ता, उत्कृष्ठ डिफेन्डर र उत्कृष्ठ गोल रक्षकले नगद १० हजार रूपैयाँ, ट्रफी, मेडल प्राप्त गर्नेछन् ।

प्रतियोगितामा सहभागिताका लागि असोज ३ गतेसम्म टोली दर्ताको समय सीमा तोकिएको छ ।

टोली दर्ताका लागि २० हजार रूपैयाँ बुझाउनु पर्नेछ ।

गतवर्ष सञ्चालित दोश्रो मातातीर्थ गोल्डकप फुटबल प्रतियोगिताको उपाधि नक्सालस्थित स्टार ११ को चुनाैती ४-० ले पन्छाउँदै तीनथानाको कुर्दन फुटबल एकेडेमीले जितेको थियो । प्रतियोगिताको पहिलो संस्करण किसिपिडी युथ क्लबले जितेको थियो ।