थानकोट ।

अवैध लागूऔषध खैरो हेरोईन जस्तो देखिने पदार्थ करिब ५ ग्रामसहित एक युवा चन्द्रागिरि नगरपालिका-२ नागढुङ्गा नाकाबाट प्रहरी नियन्त्रणमा लिइएका छन् ।

केन्द्रीय प्रहरी समाचार कक्षका अनुसार काठमाडौं रानीबारी बस्ने ३० वर्षीय राज कुमार श्रेष्ठ सोमबार बिहान पक्राउ परेका हुन् ।

प्रहरी प्रभाग नागढुङ्गा समेतबाट खटिएको प्रहरीले धरानदेखि काठमाडौंतर्फ आउँदै गरेको बा.प्र ०१-००६ ख ५८८३ नम्बरको बसलाई जाँच गर्ने क्रममा सो बसमा सवार श्रेष्ठलाई उक्त पदार्थ सहित पक्राउ गरेको हो ।

यस सम्बन्धमा प्रहरी वृत्त थानकोटले आवश्यक अनुसन्धान गरिरहेको छ ।