थानकोट ।

चन्द्रागिरि-नागार्जुन सीमा क्षेत्रमा शनिबार सवारी दुर्घटना हुँदा गम्भीर घाइते भएका मोटरसाइकल चालकको उपचारका क्रममा मृत्यु भएको छ।

चन्द्रागिरि नगरपालिका-१ दहचोकको इन्द्रस्थान र नागार्जुन नगरपालिकाको सीमा विन्दवासिनी मन्दिर गेट क्षेत्रमा बागमती प्रदेश ०१ ०२५च ९२४३ नम्बरको टाटामोबाइल गाडी र बागमती प्रदेश ०१७ प १०९ नम्बरको मोटरसाइकल आपसमा ठोकिएपछि मोटरसाइकल चालक प्रवेश खड्का गम्भीर घाइते भएका थिए ।

खड्काको कलंकीस्थित सहिद मेमोरियल अस्पतालमा उपचारका क्रममा निधन भएको प्रहरीले जनाएको छ ।

गाडीचालक प्रहरी नियन्त्रणमा छन् ।