थानकोट ।

चन्द्रागिरि नगरपालिका-१२ बलम्बुस्थित बलम्बु मावि नजिकैको एक घरकाे आँगनमा फेला परेको शंकास्पद वस्तु विष्पाेटक पदार्थ नभएको पुष्टि भएको छ ।

बिहीबार बिहान हरियाे झोलामा प्रेसर कुकर फेला परेपछि सेनाको बम डिस्पोजल टाेली बाेलाइएकाे थियाे ।

साे टोलीले झोला खोलेर हेर्दा बम नभएर खाली कुकर मात्र भएको पुष्टि गरेको छ ।

सडक किनारकाे घरमा बम राखिएको हल्लाले उक्त क्षेत्र बिहानैदेखि आतंकित भएको थियो ।

यसैबीच बलम्बुमा हरियाे झाेलामा शंकास्पद वस्तु राख्ने कार्यमा दुई जना संलग्न भएको खुलेकाे छ ।

घटनास्थल नजिकैकाे क्यामेरामा साे झाेला राख्न दुई जना युवा संलग्न रहेकाे देखिएकाे प्रहरी प्रभाग बलम्बुका प्रमुख प्रहरी निरीक्षक उपेन्द्र प्रसाद आचार्यले जानकारी दिनुभयो । बुधबार दिउँसो उनीहरूले सो झोला राखेको सो भिडिवोमा देखिएको हो ।

उनीहरूको खाेजी भइरहेको प्रहरी निरीक्षक आचार्यको भनाइ छ।