थानकोट ।

चन्द्रागिरि नगरपालिका-१५ तीनथानास्थित एक निर्माणाधीन घरको छतबाट खसेर एक जना कामदारको मृत्यु भएको छ ।

तीनथानास्थित निर्माणाधीन घरको रङरोगन गरिरहेको क्रममा दोस्रो तलाको छतबाट खसेर नुवाकोट पञ्चकन्या गाउँपालिका-१ घर भई काठमाडौँ जरङ्खु डेरा गरी बस्ने ४१ वर्षीय अर्ण बहादुर थापा मगर घाइते भएका थिए ।

घटनापछि उनलाई उपचारका लागि कंलकीस्थित सहिद अस्पतालमा पुर्‍याउँदा चिकित्सकले मृत घोषणा गरेका थिए ।

मृतक थापा मगरको शव पोष्टमाटमका लागि त्रिवि शिक्षण अस्पताल महाराजगन्ज पठाइएको प्रहरीले जनाएको छ ।

घटनाको थप अनुसन्धान भइरहेको प्रहरी वृत्त थानकोटले जनाएको छ ।