थानकोट

चन्द्रागिरि नगरपालिका-१३ नैकापस्थित न्यु डायमण्ड स्पाेर्ट्स क्लबकी प्रमुख खेलाडीसमेत रहेकी सलिना श्रेष्ठ काठमाडौंमा सम्पन्न काभा महिला भलिबल नेसन्स लिगको उत्कृष्ट लिबेरो चुनिएकी छन्।

त्रिपुरेश्वरस्थित राष्ट्रिय खेलकुद परिषद्को कभर्डहलमा बुधबार सम्पन्न फाइनलमा नेपाललाई ३-२ को सेटमा पराजित गर्दै भारतले लगातार दोस्रो पटक उपाधि उचालेको थियो।

सलिनाले प्रतियोगिताभर उत्कृष्ट प्रदर्शन गरिन्।

यसैगरी स्पाइकर सरस्वती चौधरी साे प्रतियोगिताको उत्कृष्ट अपोजिट खेलाडी चुनिएकी छन्।
सरस्वतीले नेपाललाई फाइनलमा पुर्याउन उत्कृष्ट प्रदर्शन गरेकी थिइन्।