थानकोट ।

हरितालिका तीज पर्वको अवसरमा निजी तथा आवासीय विद्यालयहरूको छाता संगठन प्याब्सनले काठमाडाैं जिल्लास्तरीय प्याब्सन अन्तर विद्यालय तीज नृत्य प्रतियोगिता आयोजना गर्ने भएको छ ।

भदाै १५ गते शनिबार आयोजना हुने प्रतियोगितामा सहभागीताका लागि भदाै ७ गतेभित्र विद्यालयको नाउँ दर्ता गर्नुपर्ने प्याब्सन काठमाडाैंले जनाएको छ ।

प्रतियोगितामा छात्रा नृत्य मात्र समावेश हुने जनाइएको छ ।

प्रतियोगितामा अधिकतम ६० नृत्यहरू समावेश हुने बताइएको छ ।

सो क्रममा एक विद्यालय एक टोली मात्र सहभागी हुन सक्नेछन् ।

प्रतियोगिताको विजेताले २० हजार रूपैयाँ, दोश्रो हुनेने १५ हजार रूपैयाँ र तेस्रो हुने टोलीले १० हजार रूपैयाँ तथा ट्रफी एवं प्रमाण पत्र पाउनेछ ।

गत वर्ष आयोजना भएको नृत्य प्रतियोगितामा भ्याली भ्यू स्कुलले पहिलो स्थान प्राप्त गरेको थियो भने चन्द्रागिरि नगरपालिका-११ सतुङ्गलस्थित जेसिस स्कुलले दोश्रो स्थान हात पारेको थियो ।