थानकोट ।

चन्द्रागिरि नगरपालिका-९ मच्छेगाउँस्थित नेपाल सांस्कृतिक कला मन्दिरले सामाजिक सेवामा समर्पित व्यक्तित्वहरूलाई सम्मान गर्ने भएको छ ।
सो संस्थाले साउन ९ गते बुधबार समाजसेवाको क्षेत्रमा परिचित व्यक्तिहरू ईशा गुरुङ र सुनिता गुरुङको सम्मान गर्न लागेको हो ।

मच्छेगाउँमा हुने सो सम्मान कार्यक्रममा अन्य व्यक्तिहरूको समेत सम्मान गरिने संस्थाका अध्यक्ष रमेश शाहीले जानकारी दिए ।

सुनिता गुरुङ (इजरायल) र ईशा गुरुङ (बेलायत) परदेशमा कर्म गरिरहेपनि नेपालमा परोपकारको क्षेत्रमा क्रियाशील छन् ।

नेपाल साँस्कृतिक कला मन्दिर मौलिक धर्म, संस्कृति एवंम् परम्परा संवर्द्धन र संरक्षणमा कार्य गरिरहेको संस्था हो ।