थानकोट ।

ॐ समाज डेन्टल अस्पतालको आयोजनामा शनिबार काठमाडाैंमा रक्तदान शिविर तथा निःशुल्क दन्त शिविर सम्पन्न भएको छ । 

अस्पतालले बालाजुस्थित वनस्थली चोकमा आयोजना गरेको निःशुल्क दन्त शिविरमा करिब ३ सय जनाले सेवा लिएको अस्पतालले जनाएको छ । सोही शिविर स्थलमा लायन्स क्लब अफ काठमाडाैं बाइस धारा, लायन्स क्लब ब काठमाडाैं साझा फुलबारी, लायन्स क्लब अब इन्द्र अन्नपूर्ण योगा तथा जनजागृति ज्ञान रश्मी माविसँगको सहकार्यमा रक्तदान शिविर समेत सञ्चालन गरिएको बताइएको छ ।

यसैगरी ॐ समाज डेन्टल अस्पताल तथा इन्द्र अन्नपूर्ण योगाको आयोजना शनिबार नै नैकापस्थित शान इन्टरनेशनल कलेज हातामा रक्तदान शिविर सम्पन्न भएको छ ।

सो क्रममा करिब ५५ जनाले रक्तदान गरेको अस्पतालका अध्यक्ष डा. सुभाष घिमिरेले जानकारी दिनुभयो । कार्यक्रममा चन्द्रागिरि नगरका मेयर घनश्याम गिरी लगायत लायन्सका प्रतिनिधिहरूको सहभागिता रहेको थियो । 

यसैबीच इन्द्र अन्नपूर्ण योगाको आयोजना शनिबार बिहान नैकापस्थित योगा हलमा तनाव व्यवस्थापन कार्यक्रम सम्पन्न भएको छ ।
पथिक फाउन्डेशनसँगको सहकार्यमा भएको सो कार्यक्रममा तनाव व्यवस्थापनका विविध आयामहरूका बारेमा चर्चा गरिएको थियो ।

सो क्रममा चन्द्रागिरि नगरपालिका वडा नं. १५ का वडाध्यक्ष घनश्याम लुँइटेल लगायत करिब एक सय जनाले सहभागिता जनाएको पथिक फाउन्डेशनले जनाएको छ।