थानकोट ।

चन्द्रागिरि नगरपालिका-१४ नयाँ नैकापस्थित सान इन्टरनेशनल कलेजमा जारी सान एजुकेशन एण्ड स्कील इन्फो फेयर आज मंगलबार पनि जारी रहने भएको छ ।

माध्यमिक शिक्षा परीक्षा (एसइइ) दिएर बसेका विद्यार्थीहरूका लागि लक्षित गर्दै हिजोबाट सान इन्टरनेशनल कलेजले एडु इन्फो फेयर सुरु गरेको थियो

दुई दिने कार्यक्रममा कक्षा ११ मा के विषय पढ्ने, कहाँ पढ्ने लगायतका विषयमा जानकारी दिइने सो कलेजका अध्यक्ष डा. सुभाष घिमिरेले जानकारी दिनुभयो ।

सो कार्यक्रम बिहान ७ बजेबाट सुरु भइ साँझ ४ बजेसम्म जारी रहनेछ ।

फेयरको पहिलो दिन सोमबार विद्यार्थी तथा अभिभावकहरूको उत्साहजनक उपस्थिति रहेको कलेज प्रशासनले जनाएको छ ।

गतवर्ष सञ्चालित एसइइ परीक्षाको नतिजा यसै साता प्रकाशित गर्ने तयारीमा राष्ट्रिय परीक्षा बोर्ड जुट्दा कक्षा ११ मा नयाँ भर्ना लिन शैक्षिक संस्थाहरूले विभिन्न कार्यक्रम सञ्चालन गरिरहेका छन् ।