११औं कीर्तिपुर कप अन्तरविद्यालय बास्केटबल प्रतियोगिता: गर्ल्सतर्फ चन्द्रागिरिको रिब्स दोश्रो
Thankot Times 
थानकोट ।
११औं कीर्तिपुर कप अन्तरविद्यालय बास्केटबल प्रतियोगिता मंगलबार सम्पन्न भएको छ ।
प्रतियोगितामा सेन्ट जेभियर्स र दीक्षालय फाउन्डेसन नेपाल च्याम्पियन भएका छन् ।
सेन्ट जेभियर्स ब्वाइज र दीक्षालय गर्ल्स विधामा च्याम्पियन बनेका हुन् ।
कीर्तिपुर बास्केटबल संघ र युनिक युनाइटेड ग्रुपद्वारा कीर्तिपुर नगरपालिकामा संयुक्त आयोजित प्रतियोगिताको ब्वाइज फाइनलमा सेन्ट जेभियर्सले ज्ञान निकेतनलाई ६९-४२ स्कोरले पराजित गर्यो ।
कीर्तिपुरस्थित कभर्डहलमा गर्ल्सको फाइनलमा दीक्षालयले रिब्सलाई २५-२३ को साँघुरो अन्तरले हरायो ।
निर्धारित समय २१–२१ को बराबरीमा खेल टुंगिएको थियो ।
ब्वाइजमा सेन्ट जेभियर्सका शुभम् सैंजु र गर्ल्समा दीक्षालयकी दीपशिखा गोले तामाङ मोस्ट भ्यालुएबल प्लेयर चुनिए ।
ब्वाइजमा २६ तथा गर्ल्समा १५ टिमले प्रतिस्पर्धा गरेको आयोजक कीर्तिपुर बास्केटबल संघका अध्यक्ष ससिर महर्जनले जानकारी दिए ।
ट्रेन्डिङ
