थानकोट ।

नेपाल विद्युत् प्राधिकरणले आज शुक्रबार कुलेश्वर वितरण केन्द्र अन्तर्गत चन्द्रागिरि नगरका केही क्षेत्रमा विद्युत सेवा अवरुद्ध हुने जनाएको छ । 

प्राधिकरणको कुलेश्वर वितरण केन्द्र अन्तर्गत विद्युतीय लाइन भूमिगत गर्ने कार्यका लागि बलम्बु फिडरको चन्द्रागिरि नगरका विभिन्न स्थानमा बिहान ११ बजेदेखि दिउँसो ३ बजेसम्म विद्युत् अवरुद्ध हुने यसअघि नै सूचना जारी गरी जानकारी गराइसकेको छ।

जसअनुसार आज शुक्रबार बलम्बु फिडरअन्तर्गत गुर्जुधारा-सतुङ्गल क्षेत्रमा विद्युत सेवा अवरुद्ध हुन लागेको हो ।

यी क्षेत्रमा बिहान ११ बजेदेखि दिउँसो ३ बजेसम्म विद्युत सेवा अवरुद्ध हुने नेपाल विद्युत प्राधिकरण आयोजना व्यवस्थापन निर्देशनालयले जनाएको छ ।