थानकोट ।

जोन्टा क्लब अफ काठमाडाैंले चन्द्रागिरि नगरपालिका-२ मसिनेमा प्राथमिक स्वास्थ्य सेवा केन्द्र स्थापना गरेको छ ।

चन्द्रागिरि नगरपालिकाका मेयर घनश्याम गिरी र जोन्टा क्लबकी अध्यक्ष आभा शाहले एक कार्यक्रमका समारोहको संयुक्त रुपमा उद्घाटन गरेका हुन् । 

डिस्ट्रिक्ट ३१, जोन्टा इन्टरनेशनलको सहयोगमा स्थानीय विद्यालयका विद्यार्थीहरूलाई पोशाकको कपडा वितरण गरिएको थियो ।

सन् २०१२ मा काठमाडौंमा जोन्टा इन्टरनेशनलको भातृ संगठनको रुपमा स्थापना भएको जोन्टा क्लब अफ काठमाडौंले सेवा र वकालत मार्फत स्थानीय र राष्ट्रिय स्तरमा युवा र महिलाविरुद्ध हिंसा अन्त्य गर्नको लागि उनीहरुको आर्थिक, शैक्षिक र अन्य सम्बन्धित मुद्दाहरू लगायत  विभिन्न सामाजिक कार्यहरु गर्दै आइरहेको छ ।