थानकोट । 

नैकापस्थित सान इन्टरनेशनल कलेजका विद्यार्थी, शिक्षक, कर्मचारी तथा सञ्चालक समितिका उच्च पदाधिकारीहरुले बिहीबार मातातिर्थ कुण्ड क्षेत्रमा सरसफाई गरेका छन् ।

क्याम्पसको समुदायसँग सहकार्य कार्यक्रम अन्तर्गत सो क्याम्पसका अध्यक्ष डा. सुभाष घिमिरेको नेतृत्वमा मातातिर्थ आइपुगेको टोलीमा क्याम्पसका कार्यकारी निर्देशक कर्ण बहादुर शाही लगायत ३० जनाकाे सहभागीता रहेेको थियाे ।  

क्याम्पसमा अध्ययनरत विद्यार्थीहरूको क्लब सान इन्टरनेशनल क्लबको संयोजनमा आज सो कार्यक्रम सञ्चालन गरिएको  क्याम्पसका अध्यक्ष डा. सुभाष घिमिरेले जानकारी दिनुभयो । 

सो क्रममा मातातिर्थ संरक्षण तथा विकास संस्थाका अध्यक्ष शान्त उदासलाई क्याम्पसका तर्फबाट सरसफाई सामाग्री हस्तान्तरण गरिएको थियो । 

कलेजले नियमित रूपमा समुदायसँग सहकार्य गरी विविध परोपकारी कार्य गर्दै आएको छ ।