थानकोट । 

चन्द्रागिरिका दुई फरक स्थानमा चोरी गरी ल्याइएका दुई वटा पिकअप गाडी फेला परेका छन् । प्रहरीले ती गाडी चोरी गर्ने एक व्यक्तिलाई समेत पक्राउ गरेकाे छ।

रामेछापकाे दोरम्बा  गाउपालिका ५ घर भई ललितपुर महानगरपालिका २ सानेपा वस्ने गणेशबहादुर गौतमलाई भाग्दै गरेको अवस्थामा काभ्रेबाट पक्राउ गरिएकाे जिल्ला प्रहरी परिसर ललितपुरले जनाएकाे छ।

प्रहरीका अनुसार गाैतमलाई जिल्ला प्रहरी कार्यालय काभ्रेसँग समन्वय गरी काभ्रेकाे भुम्लु गाँउपालिका १० दोलालघाटबाट पक्राउ गरिएकाे हाे।

उनले रातकाे समयमा बा १ ५च ९८२५, बा १२ च ४७०६ र बा ७ च ७७० नम्बरको टाटा कम्पनीको पिकअप डिआई गाडीहरु श्रृंखलावद्ध रुपमा चाेरी गर्ने गरेकाे प्रहरीकाे भनाइ छ।

चाेरी गरेका बा १२ च ४७०६ र बा १५ च ९८२५ गाडीहरु नैकाप र सतुङ्गलबाट ब्याट्रीहरु नभएको अवस्थामा बरामद गरिएको छ।

यस्तै बा ७ च ७७० नं. को पिकअप गाडी ईलाका प्रहरी कार्यालय खानीखोला धादिङसँगको समन्वयमा खानिखोला धादिङबाट नियन्त्रणमा लिइएको छ।

गाैतममाथि ललितपुर जिल्ला अदालतबाट चोरी सम्बन्धी कसुरमा पाँच दिन म्याद थप गरी थप अनुसन्धान कार्य भईरहेको केन्द्रीय प्रहरी समाचार कक्षले जनाएको छ ।