आज चन्द्रागिरि वडा नं. ५ स्थित शहरी स्वास्थ्य केन्द्रमा निःशुल्क आँखा शिविर सञ्चालन हुँदै
Thankot Times
२०८० चैत २४ गते ७:४६
थानकोट ।
चन्द्रागिरि नगरपालिका-०५ किसिपिडी महादेवस्थानमा आज शनिबार निःशुल्क आँखा जाँच शिविर सञ्चालन हुँदैछ ।
दृष्टी आँखा अस्पताल कलंकीको प्राविधिक सहयोगमा चन्द्रागिरि नगरपालिका वडा नं. ५ कार्यालयको आयोजनामा सो शिविर सञ्चालन हुन लागेको वडाध्यक्ष राजेन्द्र महर्जनले जानकारी दिनुभयो ।
शिविरमा आँखा जाँच, मोतिविन्दु एवं जलविन्दुको पहिचान समेत गरिने बताइएको छ ।
गफखेलस्थित शहरी स्वास्थ्य केन्द्रमा सञ्चालन हुने सो शिविर बिहान १० बजेबाट अपरान्ह ४ बजेसम्म जारी रहने छ ।
ट्रेन्डिङ
