थानकोट ।

पछिल्लो समय चन्द्रागिरि नगरक्षेत्रमा चोरीका घटना बढेका छन् ।

गत माघ १६ गते चन्द्रागिरि नगरपालिका-३ थानकोट माटिखेलस्थित एक घरमा दिउँसै २१ लाख ४५ हजार रुपैयाँ बराबरको धनमाल चोरी भएको थियो भने हिजो आइतबार दिउँसो चन्द्रागिरि नगरपालिका-१२ हरियालीबाट करिब ९ लाख रुपैयाँ बराबरको धनमाल चोरी भएको हो ।

सुर्खेत वीरेन्द्रनगर नगरपालिका-३ घर भइ बलम्बु हरियाली बस्दै आएकी ३२ वर्षीया गीता कुमारी रानाको कोठामा आइतबार दिउँसो ताल्चा फुटाई सुनका विभिन्न गहना तथा नगद समेत गरी करिब ८ लाख ९५ हजार रुपैयाँ बराबरको धनमाल चोरी भएको हो ।

चोरीमा संलग्न हाल फरार व्यक्तिको खोजी गर्नुको साथै घटनाका सम्बन्धमा आवश्यक अनुसन्धान भइरहेको प्रहरी वृत्त थानकोटले जनाएको छ।

थानकोटमा दिउँसै २१ लाख रुपैयाँ बराबरको धनमाल चोरी