थानकोट ।

विश्व विद्यालय अनुदान आयोगले प्रदान गरेको गुणस्तर सुनिश्चितता प्रत्यायन प्रमाणपत्र (क्यूएए) प्राप्त भएको अवसरमा चन्द्रागिरि नगरपालिका १० सतुगंलस्थित काठमाडाैं शिक्षा क्याम्पसले शुभकामना आदान प्रदान कार्यक्रम आयोजना गर्ने भएको छ ।

फागुन १२ गते (भोलि) सतुगंलस्थित सतुगंल पार्टी प्यालेसमा आयोजना हुने सो कार्यक्रम अघि बिहान ७ बजे क्याम्पस प्राङ्गणबाट बाजागाजासहित विभिन्न स्थानमा प्रभातफेरि आयोजना हुने क्याम्पस प्रमुख शत्रुध्नप्रसाद गुप्ताले जानकारी दिनुभयो ।

क्याम्पसको आयोजनामा आज बिहान नगरका विभिन्न स्थान मोटरसाइकल र्याली सम्पन्न भएको छ ।

काठमाडाैं शिक्षा क्याम्पसले प्राप्त गरेको क्यूएए प्रमाणपत्र पाँच वर्षका लागि हो। त्यसपछि आयोगले पुन: नवीकरण गर्नुपर्छ। कलेजका तर्फबाट वर्षेनी एकेडेमिक अडिट पेश गर्नुपर्ने नियम पनि छ।

काठमाडाैं शिक्षा क्याम्पसले फागुन ९ गते सो प्रमाणपत्र पाएको थियो ।