थानकोट ।

कीर्तिपुरस्थित नेपाल एपीएफ स्कूलमा जारी प्रथम अन्तर विद्यालय सशस्त्र प्रहरी महानिरीक्षक रनिङ ट्रफी फुटबल प्रतियोगिता अन्तर्गत आज सोमबारबाट प्रि-क्वाटरफाइनल खेल सुरु हुने तालिका रहेको छ ।

प्रतियोगितामा काठमाडाैं उपत्यकाका १७ र काभ्रे जिल्लाबाट एक गरी कुल १८ वटा विद्यालयहरुका १९ टिमबीच लिग कम नकआउट आधारमा खेलहरु सञ्चालन भएका थिए । लिग चरणका खेल शनिबार सकिएका छन् ।

५० हजार पुरस्कार राशी रहेको प्रतियोगिता आगामी फागुन ८ गतेसम्म जारी रहनेछ ।

प्रतियोगिताको प्रि-क्वाटर फाइनलमा आज सोमबार ४ खेल हुनेछन् ।

जसअनुसार पहिलो खेलमा घरेलु टोली नेपाल एपीएफ स्कूल कीर्तिपुर (क) विरुद्ध डि.ए.भि. स्कूल, जावलाखेल, ललितपुरबीच खेल खेल हुने तालिका रहेकोछ ।

यसैगरी दोश्रो खेलमा मनकामना सेकेण्डरी स्कूल, जोरपाटी विरुद्ध मोर्डन ईन्डिएन स्कूल, चोभारबीच खेल हुनेछ भने तेस्रो खेलमा नेपालय ईङ्गलिस पब्लिक स्कूल, जोरपाटी विरुद्ध ग्रिन भिलेज एजुकेशन फाउण्डेशन, कीर्तिपुरबीच प्रतिस्पर्धा हुनेछ ।

जेम्स स्कूल, धापाखेल विरुद्ध राई स्कूल, नक्सालबीच पनि सोमबार नै खेल हुनेछ ।