थानकोट ।

चन्द्रागिरि नगरपालिका-१२ बलम्बु चुनदेवीस्थित विद्याश्री एकेडेमीमा भोलि शनिबार शैक्षिक प्रदर्शनी आयोजना हुने भएको छ ।

विद्यार्थीहरूलाई पाठ्य क्रममा आधारित रहेर उनीहरूकै सक्रियतामा विभिन्न शैक्षिक सामाग्रीहरू निर्माण गरी सो प्रदर्शनी गरिन लागेको विद्यालयका प्रधानाध्यापक राजेन्द्र ढकालले जानकारी दिनुभयो ।

प्रदर्शनी विद्यालय प्राङ्गणमा बिहान ९ बजेबाट सुरु हुने बताइएको छ । सो विद्यालयमा हाल करिब ६ सय विद्यार्थीहरू अध्ययनरत छन् ।