थानकोट । 

चन्द्रागिरि नगरपालिकाले यहि माघ १९ गते शुक्रबार इन्द्रस्थानस्थित सुवेदी गाउँमा एकीकृत घुम्ती शिविर सञ्चालन गर्ने भएको छ ।

माघ १५ गते सम्पन्न नगरप्रमुख स्तरीय बैठकको निर्णयानुसार सो शिविर सञ्चालन हुन लागेको नगरका वरिष्ठ शाखा अधिकृत महेश प्रसाद पाठकले जानकारी दिए ।

शिविरमा स्वास्थ्य शाखा, सामाजिक विकास शाखा, कृषि शाखा, पशु सेवा शाखा र पञ्जीकरण शाखाबाट सम्पादन हुने कार्यहरु सञ्चालन हुनेछ ।

सो घुम्ती शिविर इन्द्रस्थानस्थित सुवेदी गाउँमा रहेको शहरी स्वास्थ्य केन्द्रमा बिहान ९ बजेदेखी दिउँसो १ बजेसम्म सञ्चालन हुने बताइएको छ ।