सतुगंलमा आज शहरी हाट बजार सञ्चालन हुने
Thankot Times
२०८० पुष २८ गते ७:१९
थानकोट ।
आज शनि चन्द्रागिरि नगरपालिका-११ सतुंगलमा शहरी हाटबजार सञ्चालन हुँदै छ ।
चन्द्रागिरि वडा नं. ११ ले आयोजना गर्ने सो हाटबजारमा गरिबी निवारणका लागि लघु उद्यम विकास कार्यक्रम मेड्पा अन्तर्गत तालिम लिई व्यवसाय सञ्चालन गरिरहेका व्यवसायीहरू, माैलिक सिपमा आधारित व्यवसायको लागि अनुदान प्राप्त गरेका व्यवसायी लगायत अन्य व्यवसायीहरूद्वारा उत्पादित वस्तुहरूको विक्री तथा प्रदर्शनी हुने बताइएको छ ।
बजार बिहान ९ बजेबाट साँझ ६ बजेसम्म सञ्चालन हुने चन्द्रागिरि नगरका आर्थिक विकास शाखा प्रमुख राजुबहादुर खड्काले जानकारी दिए ।
स्थानीय उत्पादनको प्रवर्द्धन एवं बजारीकरणका लागि चन्द्रागिरि नगर तथा वडा कार्यालयहरूले समय-समयमा हाटबजार सञ्चालन गर्दै आएको छ ।
साे हाट बजार सतुगंल चाेकबाट विष्णुदेवी सदन मावि सम्मकाे सडकमा सञ्चालन हुने बताइएको छ।
ट्रेन्डिङ
