थानकोट ।
प्रथम चन्द्रागिरि अन्तर वडा कप फुटबल प्रतियोगिताको उपाधि चन्द्रागिरि नगरपालिका वडा नं ४ थानकोटले जितेको छ ।

शनिबार चन्द्रागिरि नगरपालिका नैकापस्थित नैकाप फुटबल मैदान खेलिएकाे फाइनल खेलमा थानकोटले चन्द्रागिरि नगरपालिका-९ मच्छेगाउँकाे चुनाैती १-० ले पन्छायो ।

हजाराैं दर्शक साक्षी राखि खेलिएको खेलको पहिलो हाफकाे अतिरिक्त समयमा सहेस श्रेष्ठले गरेको गाेल नै चन्द्रागिरि नगरपालिका वडा नं ४ का लागि सो उपाधि जित्न पर्याप्त रह्याे । उपाधिसँगै थानकोटले नगद २ लाख रुपैयाँ तथा ट्रफी हात पार्याे । उपविजेता मच्छेगाउँले १ लाख रुपैयाँ र ट्रफी हात पार्याे ।

चन्द्रागिरि नगरका मेयर घनश्याम गिरी, उपमेयर बसन्ती श्रेष्ठ, नगरप्रवक्ता एवं वडाध्यक्ष कृष्णप्रसाद खड्गी लगायतले प्रतियोगिता तथा उपविजेतालाई पुरस्कार वितरण गरेका थिए ।

चन्द्रागिरि अन्तर वडा कप फुटबल प्रतियोगिता समितिले आयोजना गरेको प्रतियोगिता मंसिर ९ गतेबाट सुरु भएको थियो । प्रतियोगितामा चन्द्रागिरि नगरका १५ मध्ये १४ टाेलीले सहभागीता जनाएका थिए ।

विधागत विजेता

फाइनल खेलको उत्कृष्ठ खेलाडीः सहेस श्रेष्ठ, वडा नं ४ थानकोट

अनुशासित टोलीः वडा नं. १५ तीनथाना

सर्वोत्कृष्ठ गोलरक्षकः रिकेश श्रेष्ठ, वडा नं. ४ थानकोट

सर्वोत्कृष्ठ खेलाडीः संन्जिप महर्जन, वडा नं. ९ मच्छेगाउँ

उच्च गोलकर्ताः सयेस श्रेष्ठ, वडा नं. ४ थानकोट