थानकोट ।

चन्द्रागिरि नगरपालिका वडा नं. ११ को कार्यालयले गत आश्विन १९ देखि २१ सम्म बंगलादेशको राजधानी ढाकामा सम्पन्न पहिलो बङ्गबन्धु अन्तर्राष्ट्रिय तेक्वान्दो च्याम्पियनसिप २०२३ मा सहभागी व्यवस्थापन समुह तथा पदक विजेता स्थानीय खेलाडीहरूको सम्मान गरेको छ ।

शनिबार सतुगंलमा आयोजित एक कार्यक्रमकाबीच वडा कार्यालयले सो प्रतियोगितामा पदक जित्न सफल जेसिस स्कुलका विद्यार्थी खेलाडीहरू एवम् प्रशिक्षकलाई सम्मान गरेको हो । सो क्रममा सम्मानित हुने तेक्वान्दो च्याम्पियनसिपमा सहभागीहरूलाई नगर परिक्रमा गराइएको थियो ।

सम्मान कार्यक्रममा चन्द्रागिररि नगरका मेयर घनश्याम गिरी, उपमेयर वसन्ती श्रेष्ठ, नगरप्रवक्ता कृष्णप्रसाद खड्गी, विभिन्न वडाका वडाध्यक्ष तथा जनप्रतिनिधिहरूका साथै नगरका प्रमुख प्रशासकीय अधिकृत हेमराज अर्याल लगायतको उपस्थिति रहेको थियो ।

बङ्गबन्धु अन्तर्राष्ट्रिय तेक्वान्दो च्याम्पियनसिपमा सहभागी जेसिस स्कुलका सबै खेलाडीले पदक प्राप्त गरेका थिए ।

बंगबन्धु तेक्वान्दो च्याम्पियनसिपमा सहभागी जेसिस स्कुलका सबै खेलाडीलाई पदक