सो अवसरमा अध्यक्ष ओलीले विद्यालय नै गाैरववपूर्ण प्राकृतिक वातावरण रहेको स्थानमा रहेको र विद्यालयको पनि राम्रो सुधार भएकोमा विद्यालय परिवारको प्रसंशा गर्नुभयो । देशको समृद्धिका लागि शिक्षा नै आधारभूत आवश्यकता भएकाले सामुदायिक विद्यालयको योगदान अतुलनीय रहेको उहाँले चर्चा गर्नुभयो ।

नमुना विद्यालय विकास अन्तर्गत निर्माण गरिएको सो भवन निर्माणले विद्यालयको शैक्षिक गुणस्तर सुधारमा टेवा पुग्ने विश्वास पनि उहाँले व्यक्त गर्नुभयो ।

कार्यक्रममा प्रतिनिधिसभा सदस्य तथा एमाले नेता कृष्णगोपाल श्रेष्ठ, बागमती प्रदेशका सदस्य केशव पोखरेल, बालकुमारी विकसहित, चन्द्रागिरि नगरका मेयर घनश्याम गिरी, चन्द्रागिरि वडा नं. १३ का अध्यक्ष श्रीकृष्ण खत्री, सामुदायिक विद्यालयका प्रधानाध्यापकहरू, स्थानीय जनप्रतिनिधि, अभिभावक तथा विद्यार्थीको सहभागिता रहेको थियो ।

विद्यालयका प्रअ पनेरुको अनुसार वार्षिकोत्सवको अवसरमा विद्यालयका उत्कृष्ट विद्यार्थी, कर्मचारीहरुलाई पुरस्कृत तथा सम्मान गरिएको थियो । कार्यक्रममा विद्यालय व्यवस्थापन समितिका अधयक्ष गुणराज भट्टसहित सदस्यहरुको पनि सहभागिता थियो ।