थानकोट ।

चन्द्रागिरि नगरपालिकामा आज शनिबार विभिन्न कार्यक्रमहरू आयोजना हुँदैछन् ।

प्राप्त विवरणहरू अनुसार चन्द्रागिरि नगरपालिका वडा नं. ५ महादेवस्थान किसीपिडीमा आँखा जाँच शिविर सञ्चालन हुँदैछ । बिहान १० बजेबाट शहरी स्वास्थ्य केन्द्रमा सुरु हुने सो शिविर दिउँसो २ बजेसम्म जारी रहने बताइएको छ ।
यसैगरी चन्द्रागिरि वडा नं. ६ स्थित मातातीर्थ फुटबल मैदानमा बिहान ११ बजे दोश्रो मातातीर्थ गोल्डकप फुटबलको उद्घाटन कार्यक्रम हुँदैछ । खेल भने दिउँसो २ बजेबाट सुरु हुने बताइएको छ ।

यस्तै चन्द्रागिरि नगरपालिका वडा नं. ९ मच्छेगाउँमा प्रथम मत्स्यनारायण रिक्रियशन कप फुटसलको फाइनल खेल हुँदैछ । विजेताले २ लाख रूपैयाँ पुरस्कार पाउने सो प्रतियोगिताको फाइनल खेल बिहान ११ः३० बजे सुरु हुनेछ । खेल मत्स्यनारायण रिक्रियशन सेन्टरमा हुनेछ ।

यसैगरी चन्द्रागिरि नगरपालिका वडा नं. ११ सतुगंलमा प्रथम चन्द्रागिरि नगर सडक महोत्सव हुँदैछ । बिहानैबाट सुरु हुने महोत्सवको औपचारिक समारोह भने दिउँसो २ बजे हुनेछ । महोत्सव सतुगंल चोकदेखी विष्णुदेवी शिक्षासदन माविसम्मको सडकमा हुने बताइएको छ ।

चन्द्रागिरि नगरपालिका वडा नं. १५ तीनथानामा आज रक्तदान कार्यक्रम हुँदैछ ।

विष्णुदेवी मन्दिर क्षेत्र तीनथानामा हाम्रो मित्रता समूह, विष्णुदेवी युथ क्लब, विष्णुदेवी क्षेत्र संरक्षण तथा सुधार समाज, लायन्स/लियो क्लब अफ काठमाडाैं यूनिटी सर्कलको आयोजनामा बिहान १० बजे सो कार्यक्रम सुरु हुनेछ ।