थानकोट ।

स्थानीय उत्पादनको बजार प्रवर्द्धन गर्ने उद्देश्यले चन्द्रागिरि नगरपालिकामा एक दिने सडक महोत्सव आयोजना हुने भएको छ ।

चन्द्रागिरि नगरपालिका ११ सतुगंलको आयोजनामा असोज २० गते शनिबार सतुगंल क्षेत्रमा सडक महोत्सव हुन लागेको हो ।
सतुगंलचोकबाट स्थानीय विष्णुदेवी शिक्षासदन सम्मको सडकमा हुने सो महोत्सवमा स्थानीय उत्पादनका स्टल राखिने वडाध्यक्ष नरेन्द्रराज श्रेष्ठले जानकारी दिनुभयो ।

महोत्सव क्षेत्रमा यातायात पूर्ण रूपमा निषेध गरी सो दिन स्थानीय संस्कृतिसँग सम्बन्धित बाजागाजा तथा नाचसमेत प्रदर्शनीको तयारी भइरहेको वडाध्यक्ष श्रेष्ठले जानकारी दिनुभयो ।

सो क्रममा प्रत्यक्ष गजल कार्यक्रमसमेत आयोजना हुने बताइएको छ ।

सडक महोत्सवका सन्दर्भमा वडा कार्यालयबाट जारी सूचना हेराैंः