थानकोट ।

राष्ट्रिय परीक्षा बोर्डले चालु शैक्षिक सत्रमा कक्षा १२ को वार्षिक परीक्षा आगामी बैशाख महिनामा सञ्चालन गर्ने भएको छ।

बोर्डले मंगलबार गोरखापत्र राष्ट्रिय दैनिकमा आफ्नो वार्षिक कार्यतालिका सार्वजनिक गर्दै १२ को वार्षिक परीक्षा २०८१ को बैशाख पहिलो हप्तादेखि सञ्चालन गर्ने जनाएको हो।

परीक्षाको नतिजा प्रकाशित भएको ४५ दिनभित्रमा पूरक परीक्षा गर्ने बोर्डको कार्यतालिका छ। नतिजा भने २०८१ को साउन तेस्रो साताभित्र सार्वजनिक गर्ने बोर्डको योजना छ।

त्यस्तै कक्षा ११ को परीक्षा विद्यालयहरूले २०८१ को जेठ पहिलो हप्तामा गर्नुपर्ने जनाएको छ। कक्षा ११ को रजिस्ट्रेसन फाराम पुस १५ गतेबाट खुला गरेर माघ १५ गतेसम्म भर्ने समयावधि तोकिएको छ ।