थानकोट ।

विद्यार्थीका लागि ईन्टरनेट वरदान की अभिशाप शीर्षकमा आयाेजित नगरपालिकास्तरीय अन्तर माध्यमिक विद्यालय वादविवाद प्रतियोगितामा नैकापस्थित ब्राइट फ्युचर माविकी छात्रा स्वीकृति थापा प्रथम भएकी छिन् ।

चन्द्रागिरि नगरपालिकाको आयोजनामा शुक्रबार स्थानीय प्रभात माविमा सम्पन्न सो वादविवाद प्रतियोगितामा सतुगंलस्थित जेसिस स्कुलकी छात्रा साैजन्य पाेखरेल दोश्रो तथा मंगलाेदय मावि थानकोटकी छात्रा कल्पना लावडले तेस्रो स्थान हासिल गरेका थिए ।

चन्द्रागिरि नगरका विभिन्न ९ वटा विद्यालयका १८ जना विद्यार्थीहरूले प्रस्तुती दिएको सो कार्यक्रममा बलम्बु माविबाट सहभागी हानुन बस्नेत  तथा विष्णुदेवी शिक्षासदन माविबाट सहभागि अनिषा खड्काले सान्त्वना स्थान प्राप्त गरेको नगरको शिक्षा, युवा तथा खेलकुद शाखाले जनाएको छ।