थानकोट ।

चन्द्रागिरि नगरपालिका वडा नंं ११ सतुगंलको नवनिर्मित कार्यालय भवन भदाै ९ गते शनिबार उद्घाटन हुने भएको छ । यद्यपी वडा कार्यालयले जेठ ४ गतेबाट नै सोही कार्यालयबाट सेवा प्रदान सुरु गरिसकेको छ ।

बुधबार एक सूचना जारी गर्दै वडा कार्यालयले भदाै ९ गते हुने भवनको उद्घाटनका लागि सबै नगरबासीहरूमा उपस्थितिका अनुरोध गरेको छ ।

सतुगंलको यट्खामा करिब २ करोड रूपैयाँ लागतमा निर्माण सम्पन्न भएको सो भवन हालसम्म चन्द्रागिरि नगरकै सबैभन्दा ठूलो वडा भवन हो । यसअघि सो वडा कार्यालय भाडाको घरबाट सञ्चालन हुँदै आएको थियो ।

स्थानीय निकाय गठन भएको ६ वर्ष बितिसक्दा चन्द्रागिरि नगरपालिकाका १५ वटा वडाहरू मध्ये वडा नंं ५ महादेवस्थान र ७ महादेवस्थान भने अझै भाडाको घरबाट नै सञ्चालन भइरहेका छन् ।