कीर्तिपुरमा भदौ २३ गते भेट्रान्स ओपन फुटसल हुने
२०८० भदौ ५ गते ८:४४
थानकोट ।
कीर्तिपुरमा भेट्रान्स ओपन फुटसल प्रतियोगिता आयोजना हुने भएको छ ।
प्रतियोगिता यही भदौ २३ गते आयोजना हुने बताइएको छ ।
कीर्तिपुर भेट्रान्स क्लबको आयोजनामा हुने एकदिने प्रतियोगिता कीर्तिपुरस्थित एसएस कृनगर फुटसलमा सञ्चालन हुनेछ । प्रतियोगिता उक्त दिन बिहान ७ बजेदेखि सुरु हुनेछ ।
प्रतियोगिताका लागि टिम दर्ता गर्न पाँच हजार रुपैयाँ शुल्क तोकिएको छ । प्रतियोगिताका लागि दर्ता हुने सबै टिमले प्रतिस्पर्धा गर्न पाउनेछन् । प्रतियोगितामा टिम दर्ताका लागि भदौ १२ गतेसम्मको समय उपलब्ध गराइएको छ ।
प्रतियोगिताको विजेताले ५० हजार र उपविजेताले २५ हजार रुपैयाँ पुरस्कार पाउने आयोजकले जनाएको छ ।
आयोजकका अनुसार उत्कृष्ट खेलाडी, उच्च गोलकर्ता र उत्कृष्ट गोलकिपरले समान दुई हजार ५०० रुपैयाँ पुरस्कार पाउनेछन् ।
ट्रेन्डिङ
