थानकोट।

शिक्षा विकास तथा समन्वय इकाई काठमाडौंले गत वर्ष सञ्चालित माध्यमिक शिक्षा परीक्षाको आधारमा काठमाडाैंका १० उत्कृष्ट सामुदायिक विद्यालयहरूको सूची सार्वजनिक गरेको छ ।

सूची अनुसार काठमाडाैंका उत्कृष्ठ विद्यालयमा चन्द्रागिरि नगरपालिका १२ बलम्बुस्थित बलम्बु मावि पनि उत्कृष्ठ १० भित्र परेको छ ।

९४ जना विद्यार्थीले माध्यमिक शिक्षा परीक्षामा सहभागी भएको सो विद्यालयले समग्रमा ३.२५ जीपीए प्राप्त गरेको बताइएको छ ।

बलम्बु मावि सो सूचीको ५ नम्बरमा रहँदा गागलफेदीको सिद्धिगणेश मावि पहिलो स्थानमा रहेको छ ।

संस्थागत विद्यालयको उत्कृष्ठ १० भित्र चन्द्रागिरिका कुनैपनि विद्यालय परेका छैनन् । यद्यपी चन्द्रागिरि नगरका ३ वटा विद्यालय सो उत्कृष्ठ ५० भित्र भने अटाएका छन् ।

काठमाडाैंका उत्कृष्ट ५० संस्थागत विद्यालयको सूचीमा चन्द्रागिरिका ३ विद्यालय

बलम्बु मावि ५० जनाभन्दा धेरै परीक्षार्थी सहभागि गराएको वर्गीकरणको तेस्रो स्थानमा रहेको छ भने साधारण धारतर्फका विषय अध्ययन अध्यापन हुने विद्यालयको सूचीको चाैथो रहेको छ ।