नैकापस्थित ब्राइट फ्युचर माविका ६ जना विद्यार्थी ‘एसक्युसी’ सम्मेलनमा भाग लिन अफ्रिका प्रस्थान
थानकोट ।
अफ्रिकी मुलुक मौरिससमा आजबाट आयोजना हुने ‘स्टुडेन्ट क्लालिटी सर्कल’ (एसक्युसी) सम्मेलनमा भाग लिन चन्द्रागिरि नगरपालिका नैकापस्थित ब्राइट फ्युचर माविका ६ जना विद्यार्थी आइतबार त्यसतर्फ प्रस्थान गरेका छन् ।
सो विद्यालयमा अध्ययनरत इशान सुवेदी, श्रीजित अधिकारी, जयन श्रेष्ठ, तेजस्वी तिमिला श्रेष्ठ, निक्सी महर्जन र रुद्रायणी लुइँटेलसँगै प्रधानाध्यापक दयाराम थापा र शिक्षकहरू मोहित कार्की र मिना महर्जन पनि मौरिसस गएका हुन्।
विद्यालयमा आइतबार आयोजित बिदाइ कार्यक्रममा चन्द्रागिरि नगरपालिका वडा नम्बर १४ का अध्यक्ष राजभाइ महर्जन, १५ का अध्यक्ष घनश्याम लुइँटेल, पूर्वसांसद उर्मिला कर्माचार्य, नगरपालिकाका युवा खेलकुद तथा शिक्षा समन्वय शाखा प्रमुख कर्णबहादुर भुवाजी र स्कुलका अध्यक्ष मोहन कार्कीले सो टोलीलाई टिका र खादा लगाएर बिदाइ गरेका थिए।
सो क्रममा विद्यालयका अध्यक्ष कार्कीले एसक्युसी सम्मेलनको औचित्य र उपादेयताबारे जानकारी गराएका थिए।