थानकोट । 

चन्द्रागिरि नगरपालिका नैकापस्थित ब्राइट फ्युचर माविले मेक्सिकोमा सम्पन्न आईएसएफ वर्ल्ड स्कुल तेक्वान्दो च्याम्पियनसिपमा दोहोरो पदक विजेता उज्ज्वल वाग्लेलाई सोमबार सम्मान गरेको छ ।

प्रतियोगितामा अफिसियल र खुला गरी छुट्टाछुट्टै प्रतिस्पर्धा भएको थियो ।

उज्ज्वलले अफिसियलतर्फ स्वर्ण र खुलामा रजत जितेका थिए । जुन १८ देखि २६ सम्म भएको प्रतियोगितामा उज्ज्वलले यू-१८ उमेर समूहको ग्यारोगीतर्फ ७३ केजीमुनि प्रतिस्पर्धा गरेका थिए ।

ब्राइट फ्युचरमा कक्षा १० मा अध्ययरत उज्ज्वलको यो नै अन्तर्राष्ट्रिय ‘डेब्यु’ प्रतियोगिता हो ।

राष्ट्रिय खेलकुद परिषद् (राखेप) का उपाध्यक्ष शिव कोइराला, ब्राइट फ्युचरका प्रिन्सिपल दयाराम थापा, अध्यक्ष मोहन कार्की, चन्द्रागिरि नगरपालिका १५ का अध्यक्ष घनश्याम लुइँटेल, पूर्वराष्ट्रिय फुटबल खेलाडी रमेश बुढाथोकीलगायतले उज्ज्वललाई सोमबार सम्मान प्रदान गरेका थिए ।