थानकोट ।

चन्द्रागिरि नगरपालिका ११ सतुगंलमा सोमबार बिहान भएको सडक दुर्घटना हुँदा एक जनाको ज्यान गएको छ ।

प्रहरी वृत्त थानकोटले दिएको जानकारी अनुसार थानकोटबाट कलंकीतर्फ जाँदै गरेको ग १ ख ८५७४ नम्बरको यात्रु बसले सतुगंलस्थित बल्खुपुल नजिकै समान दिशातर्फ गइरहेको बागमती प्रदेश-२-२४ १२४२ नम्बरको स्कुटरलाई ठक्कर दिँदा स्कुटरमा सवार धादिङ ज्वालामुखी गाउँपालिका-७ का स्कुटर चालक ५० वर्षीय रमेश इटनी तथा सो स्थान बस्ने ४८ वर्षीया मेनुका इटनी गम्भीर घाइते भएका थिए ।

दुर्घटनापछि रमेशको शहिद मेमोरियल अस्पतालमा तथा मेनुकाको ट्रमा सेन्टर महांकालमा उपचार भइरहेकोमा मेनुकाको बिहान करिब ११ बजे मृत्यु भएको प्रहरीले जनाएको छ।

दुर्घटनानमा घाइते रमेश बोल्न सक्ने अवस्थामा रहेको प्रहरी वृत्त थानकोटले जनाएको छ । घटनामा संलग्न दुवै सवारी साधन तथा बस चालक प्रहरी प्रभाग बलम्बुले नियन्त्रणमा लिएको छ।