थानकोट ।

चन्द्रागिरि नगरपालिका-१४ नैकापस्थित ब्राइट फ्युचर माविका सदन ‘क्याप्टेन’ हरूले सपथ लिएका छन् ।

हिजो असार ८ गते शुक्रबारको बिहानी प्रार्थनासभामा गत साता निर्वाचित स्कुल क्याप्टेन, स्कुल भाइस क्याप्टेन, हाउस (सदन) क्याप्टेन र हाउस भाइस क्याप्टेनहरूले सपथ ग्रहण गरेका हुन्।

चन्द्रागिरि नगरपालिका १५ का अध्यक्ष एवं नगरको सामाजिक विकास संयोज्क घनश्याम लुइँटेल लगायतको उपस्थितिमा स्कुल क्याप्टेन सान्भी चौधरी र स्कुल भाइस क्याप्टेन आस्रिका पौडेललाई विद्यालयका अतिरिक्त क्रियाकलाप संयोजक तथा उक्त निर्वाचनका आयुक्त राजेशजंग थापाले सथप ग्रहण गराएका थिए।

त्यसैगरी हाउस क्याप्टेन श्रीशु भट्टराईलाई स्कुल क्याप्टेन चौधरीले सथप ग्रहण गराइन् भने हाउस क्याप्टेन भट्टराईले हाउस भाइस क्याप्टेनहरूलाई सथप ग्रहण गराएकी थिइन्।

सो क्रममा वडाध्यक्ष लुँइटेलले असल शासनको पहिलो खुड्किला प्रजातान्त्रिक निर्वाचन अभ्यासबाट विद्यालयको नेतृत्व लिने सम्पुर्ण विद्यार्थीहरूलाई बधाई दिँदै भोलिको सामाजिक नेतृत्वको रुपमा तयार हुने अवसरको रुपमा ग्रहण गर्दै कार्यसम्पादन हुनेछ भन्ने विश्वास लिएको बताए ।

कार्यक्रममा विद्यालयका संस्थापक निर्देशक मोहन कार्की, प्रधानाध्यापक दयाराम थापा, शिक्षकशिक्षिका लगायत उपस्थित थिए।