थानकोट ।
चन्द्रागिरि नगरपालिका ११ सतुगंलमा आज निःशुल्क आँखा जाँच शिविर सञ्चालन हुने भएको छ।
तिलगंगा आँखा अस्पतालको प्राविधिक सहयोगमा सञ्चालन हुने सो शिविरमा विशेष गरी ज्येष्ठ नागरिकहरूको आँखा परीक्षण हुने वडाध्यक्ष नरेन्द्रराज श्रेष्ठले जानकारी दिनुभयो ।
वडा कार्यालयस्थित शहरी स्वास्थ्य केन्द्रमा बिहान ९ बजेबाट सुरू हुने आँखा जाँच शिविर दिउँसो २ बजेसम्म जारी रहने बताइएको छ ।

सो क्रममा सामान्य दृष्टि तथा आँखा परीक्षण, मधुमेहका बिरामीहरूको दृष्टि पर्दाको परीक्षण तथा मोतियाबिन्दुको परीक्षण हुने जनाइएको छ।