चन्द्रागिरि प्याब्सनले आयोजना गरेको कविता वाचन प्रतियोगितामा जेसिस माविकी सदीप्ना प्रथम
Thankot Times 
थानकोट ।
चन्द्रागिरि नगरमा सञ्चालनमा रहेका निजी तथा आवासीय विद्यालयहरूको छाता संगठन प्याब्सन चन्द्रागिरिले शुक्रबार कविता लेखन वाचन प्रतियोगिता आयोजना गरेको छ ।
प्याब्सन काठमाडौंका अध्यक्ष प्रेम कुमार राईको उपस्थितिमा आयोजित सो प्रतियोगितामा चन्द्रागिरि नगरका विभिन्न निजी तथा आवासीय विद्यालयका विद्यार्थीहरूले सहभागिता जनाएका थिए ।
प्रतियोगितामा जेसिस इन्टरनेसनल स्कुल, सतुङ्गलकी छात्रा सदीप्ना कायस्थले प्रथम स्थान हासिल गरेकी छिन् । सतुङ्गलकै ए.आई स्कुलकी जेनि प्रधान प्रतियोगितामा दोश्रो भएकी छिन् ।
नगरस्तरीय कविता लेखन तथा वाचन प्रतियोगितामा प्राईम इंग्लिस स्कुल, तीनथानाले तेस्रो स्थान हासिल गर्दा ज्ञान सुधा एकेडेमी तीनथाना र माउन्ट चन्द्रागिरि सेकेण्डरी स्कुल, थानकोटका विद्यार्थीले सान्त्वना स्थान प्राप्त गरेका छन् ।
सतुङ्गलस्थित जेसिस स्कुलमा सम्पन्न प्रतियोगितामा चन्द्रागिरि नगरपालिका शिक्षा शाखाका कर्मचारी, प्याब्सन चन्द्रागिरिका अध्यक्ष दिपक महर्जन, राष्ट्रिय परिक्षा बोर्डका सदस्य एंवम् ब्राईट फ्युचर मा. वि. का प्रधानाध्यापक दयाराम थापा लगायत चन्द्रागिरि नगरपालिकाका विभिन्न निजी तथा आवासीय विद्यालयका प्रतिनिधिहरूको उपस्थिति रहेको थियो।
ट्रेन्डिङ
