थानकोट । 

सतुगंलस्थित काठमाडाैं शिक्षा क्याम्पसका लागि चन्द्रागिरि नगरपालिका-१५ को वडा कार्यालयले ८ थान प्रोजेक्टर उपलब्ध गराएको छ।  

वडा कार्यालयले चालु आवको वार्षिक बजेटमा समावेश भएको कार्यक्रम अनुसार क्याम्पस प्रशासनलाई आईसीटी सामाग्री  हस्तान्तरण गरिएको वडाध्यक्ष घनश्याम लुँइटेलले जानकारी दिनुभयो ।

सो कार्यक्रमका लागि पाँच लाख रूपैयाँ बजेट विनियोजन भएको बताइएको छ । 

यसैबीच, चन्द्रागिरि नगरपालिकाले पनि काठमाडाैं शिक्षा क्याम्पसलाई शैक्षिक सामाग्री हस्तान्तरण गरेको छ।

क्याम्पसले चालु शैक्षिक सत्रभित्रै गुणस्तर सुनिश्चतता तथा प्रत्यायन (क्यूएए) प्राप्तिका लागि पहल गरिरहेकोमा वडा तथा नगरबाट प्राप्त आईसीटी सामाग्रीले क्यूएए प्राप्तिका लागि सहयोग पुग्ने अपेक्षा लिएको क्याम्पस प्रमुख शत्रुध्नप्रसाद गुप्ताले जानकारी दिनुभयो ।