थानकोट ।

नारायणगढ-मुग्लिन सडक खण्डअन्तर्गत सिमलतालबाट त्रिशूली नदीमा ट्रिपर खस्दा चालक घाइते भएका छन् ।

नारायणगढबाट मुग्लिनतर्फ आउँदै गरेको बागमती प्रदेश ०३-००१ क ०१४० नम्बरको सिमेन्ट बोकेको ट्रिपर अनियन्त्रित भई त्रिशूलीमा खसेको हो । 

ट्रिपर चालक मकवानपुरको हेटौँडा उपमहानगरपालिका-१९ बर्षमाडीका ३२ वर्षीय चालक प्रदीप थिङ घाइते भएको जिल्ला प्रहरी कार्यालय चितवनले जनाएको छ ।

उनको चितवन मेडिकल कलेजमा उपचार भइरहेको छ । ट्रिपर नदीबाट निकाल्न नसकिएको प्रहरीले जनाएको छ । 

तस्बिरः सामाजिक सञ्जाल