थानकोट ।
नेपाली काँग्रेस पार्टीले आज चन्द्रागिरि नगरपालिका वडा नं. ५ मा प्रथम वडा सम्मेलन गर्ने भएको छ।
सो पार्टीको चन्द्रागिरि नगर कार्य समितिले गरेको निर्णय अनुसार आज सो सम्मेलन हुन लागेको हो । 

नेपाली काँग्रेस चन्द्रागिरि नगर कार्य समितिको जेठ १० गतेको निर्णयअनुसार जेठ २० गते भित्र वडा कार्य समितिको सम्मेलन सम्पन्न गर्ने बताइएको छ । सो क्रममा वडा सभापतिको प्रतिवेदन, कोषाध्यक्षको प्रतिवेदनका सम्बन्धमा समेत छलफल हुने बताइएको छ।

सम्मेलन बिहान ७ बजे स्थानीय युवा जागृति क्लब किसिपिडीमा सुरू हुने नेपाली काँग्रेस चन्द्रागिरि नगर कार्यसमितिले जनाएको छ ।