थानकोट । 

बालुवाटरस्थित रोट्याक्ट क्लब अफ मातृभूमीको संयोजनमा जेठ २७ गते शनिबार काठमाडाैंको टुँडीखेलमा नेपालको सबैभन्दा ठूलो मानवीय झण्डा बनाइने भएको छ ।

मेरो झण्डा, मेरो गाैरव नाराका साथ प्याब्सन नेपालसँगको सहकार्यमा हुने सो कार्यक्रममा कक्षा ९ देखी १२ सम्मका विद्यार्थीहरूको सहभागिता रहने बताइएको छ ।

गिनिज विश्व रेकर्ड बनाउने उद्देश्यका साथ सो कार्यक्रम संयोजन हुन लागेको आयोजकले जनाएको छ ।

चन्द्रागिरि नगरपालिकाले पनि सो अभियानमा सहभागिताका लागि नगर क्षेत्रका विद्यालयहरूमा अनुरोध गरेको छ ।