थानकोट । 

चन्द्रागिरि नगरपालिका-१० सतुगंल सिजी गेट अगाडि सडक दुर्घटनामा परी घाइते भएका मोटरसाइकल चालकको ज्यान गएको छ। 

प्रहरीका अनुसार बा. ५ ख. ७००४ नम्बरको हायस गाडीलाई ओभरटेक गर्ने क्रममा प्रदेश ०३-०२०-०१३ प ९१८ नम्बरको मोटरसाइकल सोही गाडी मुनी छिरेको थियो।   

दुर्घटना घाइते भएका पाल्पाको तानसेन नगरपालिका-३ घर भएका २२ वर्षीय रसिक रामजालीको शनिबार बिहान उपचारका क्रममा मृत्यु भएको हो। 

दुर्घटनापछि गम्भीर घाइते भएका उनको उपचारका लागि ट्रमा सेन्टर लगिएको थियो। त्यहाँ उपचारको क्रममा उनको मृत्यु भएको हो।

दुर्घटनामा संलग्न गाडी र चालकलाई प्रहरी प्रभाग बलम्बुले नियन्त्रणमा लिएको छ।