थानकोट ।

चन्द्रागिरि नगरपालिका- १२ बलम्बुको रानिवन क्षेत्रमा आइतबार दिउँसोबाट लागेको आगो नियन्त्रणमा आउन सकेको छैन् ।

प्रहरी वृत्त थानकोट, प्रहरी प्रभाग बलम्बू तथा नेपाली सेनाको टोलीले आगलागी नियन्त्रणमा लिन कोशिस गरेपनि सफल हुन नसकेको बताइएको छ।

चन्द्रागिरि १२ बलम्बुका वडा सदस्य प्रदिप अधिकारीले केही क्षेत्रमा आगो नियन्त्रणमा आएपनि तल्लो क्षेत्रको आगो नियन्त्रणमा लिन प्रयास भइरहेको जानकारी दिनुभयो ।

आगलागीबाट कुनै मानवीय क्षति भएको विवरण प्राप्त नभएको प्रहरी प्रभाग बलम्बुले जनाएको छ ।