थानकोट ।
नेपाल पब्लिक क्याम्पस संघको अध्यक्षमा चन्द्रागिरि नगरपालिका-१० सतुगंलस्थित काठमाडौं शिक्षा क्याम्पसका प्रमुख शत्रुध्नप्रसाद गुप्ता निर्वाचित हुनुभएको छ ।

लाेकतान्त्रिक बाम गठबन्धनकाे तर्फबाट सर्वसम्मत उम्मेदवार चयन हुनुभएका गुप्ता संघकाे अध्यक्षमा पनि सर्वसम्मत चयन हुनुभएको हाे ।

देशभरका ५ सय ३२ भन्दा धेरै सामुदायिक क्याम्पसहरुको छाता संस्था नेपाल पब्लिक क्याम्पस संघको १२औं राष्ट्रिय अधिवेशनबाट शनिबार नयाँ कार्यसमिति चयन गर्ने कार्यतालिका अनुरुप गुप्ता सर्वसम्मत रुपमा अध्यक्ष चुनिनुभएकाे बताइएको छ ।

महाधिवेशनले महासचिवमा गोविन्द कार्कीलाई चयन गरेको छ ।

शुक्रबारबाट सुरू भएको संघको १२औं राष्ट्रिय अधिवेशन शिक्षा, विज्ञान तथा प्रविधि मन्त्री अशोक राईले उद्घाटन गर्नुभएको थियो ।