थानकोट ।

चन्द्रागिरि नगरपालिका-१२ बलम्बुमा एक पुरूष मृत फेला परेका छन् ।

प्रहरी वृत्त थानकोटका अनुसार टोखा नगरपालिका-९ घर भई चन्द्रागिरि नगरपालिका-१२ बलम्बु डेरा गरी बस्ने ५५ वर्षीय नवराज केसी आफ्नै कोठामा आज मृत भेटिएका हुन् ।

प्रहरी वृत्त थानकोटका प्रहरी नायब उपरीक्षक नारायणप्रसाद अधिकारीले उनको मृत्युको कारणबारे अनुसन्धान भइरहेको जानकारी दिए । उनको शवलाई पोष्टमार्टमका लागि अस्पतालमा पठाइएको जनाइएको छ ।

उनी बढी मदिरा सेवन गर्ने गरेका स्थानीयले बताएका छन् ।