थानकोट ।

वीआर ब्रदर्श फुटबल क्लबको ए टिम थानकोट गोल्डकपको फाइनलमा प्रवेश गरेको छ ।

मंगलबार सम्पन्न चाैथो थानकोट गोल्डकप फुटबल प्रतियोगिताको पहिलो सेमीफाइनलमा विष्णुदेवी यूथ क्लबमाथि २-० को सहज जित निकाल्दै वीआर ब्रदर्श फुटबल क्लबको ए टिम उपाधी नजिक पुगेको हो ।

वीआर ब्रदर्श फुटबल क्लबको ए टिमका लागि श्री माम्बा र संजीव मगरले समान १-१ गोल गरेका थिए ।

वीआर ब्रदर्श फुटबल क्लब प्रतियोगिताको डिफेन्डिङ्ग च्याम्पियन समेत हो ।

प्रतियोगिता अन्तर्गत दोश्रो सेमीफाइनलमा बुधबार वीआर ब्रदर्श फुटबल क्लबको बी टिम र कुर्दन एकेडेमीबीच दिउँसो १ बजे खेल हुनेछ ।