थानकोट ।

चाैथो थानकोट गोल्डकप फुटबल प्रतियोगिता अन्तर्गत शनिबार सम्पन्न क्वाटरफाइनल चरणका खेलहरू वीआर ब्रदर्श क्लबका दुवै टोली विजयी भएका छन् ।

प्रतियोगिताको पहिलो क्वाटरफाइनल खेलमा डिफेन्डिङ्ग च्याम्पियन वीआर ब्रदर्श ए टिमले थानकोट फुटबल क्लबमाथि २-१ को जित निकाल्यो । सो क्रममा वीआर ब्रदर्शका कब्बु काङ्दाङ्वाले दुवै गोल गरेका थिए । जितसँगै वीआर ब्रदर्श ए टिम पुल ए बाट सेमीफाइनल पुग्ने  पहिलो टोली बनेको छ । उसले अब फाइनल प्रवेशका लागि भोली हुने गणेशमान सिंह मेमोरियल क्लब र विष्णुदेवी यूथ क्लबबीचको विजेतासँग फाल्गुन १६ गते खेल्नेछ ।

यसैगरी शनिबारनै सम्पन्न प्रतियोगिताको दोश्रो क्वाटरफाइनल खेलमा ल्याक्टो लक्ष्य क्लबमाथि ६-१ को विशाल अन्तरको जित निकाल्दै न वीआर ब्रदर्श बी टिमले सेमीफाइनलको यात्रा पूरा गर्यो । वीआर ब्रदर्श बीको फराकिलो जितमा संयोग लिम्बूको ह्याट्रिक महत्वपूर्ण रह्यो । त्यस्तै अविमत तामाङ, प्रतिक लामा, मिलन तामाङले पनि समान १-१ गोल गरेका थिए पराजित ल्याक्टो लक्ष्यका लागि अरिफ हुसेनले १ गोल फर्काए । उसले अब फाइनल प्रवेशका लागि भोली हुने कुर्दन एकेडेमी र दीपशिखा फुटबल क्लबबीचको विजेतासँग फाल्गुन १७ गते खेल्नेछ । प्रतियोगितामा संयोगले हालसम्म ८ गोल गरेका छन् ।