थानकोट ।

चन्द्रागिरि नगरपालिका-०३ थानकोट पिम्फलीस्थित गलबन फुटबल मैदानमा जारी चाैथो थानकोट गोल्डकप फुटबल प्रतियोगिताका अनुशासित खेलाडीले २० हजार रूपैयाँ प्राप्त गर्ने भएका छन् ।

चन्द्रागिरि नगरपालिकाका नगर प्रवक्ता एवं वडा नं. ४ का वडाध्यक्ष कृष्णप्रसाद खड्गीले प्रतियोगिता अवधिभर अनुशासित भए। खेल काैशल देखाउने एक जना खेलाडीका लागि व्यक्तिगत रूपमा सो पुरस्कार रकम प्रदान गर्ने घोषणा गर्नुभएको हो । प्रवक्ता खड्गीले प्रतियोगिताको पहिलो पुरस्कार बापतको नगद वडा कार्यालयले उपलब्ध गराउने बताउनुभयो ।

गत शनिबारबाट सुरू चाैथो थानकोट गोल्डकपका विजेताले नगद १ लाख रूपैयाँ, ट्रफी तथा मेडल प्राप्त गर्नेछन् । त्यस्तै, प्रतियोगिताको उपविजेता टोलीले ६० हजार रूपैयाँ नगद पुरस्कारको साथमा ट्रफी र मेडल हात पार्नेछन् ।

प्रतियोगिताको व्यक्तिगत विधातर्फका विजेताहरूले जनही पाँच हजार रूपैयाँ नगद तथा ट्रफी प्राप्त गर्नेछन् । प्रतियोगिताको व्यक्तिगत विधातर्फ उत्कृष्ठ खेल काैशल प्रदर्शन गर्ने खेलाडीहरूले  जनही ५ हजार रूपैयाँ नगद, ट्रफी र मेडल पाउनेछन् ।