थानकोट । 

चन्द्रागिरि नगरपालिकामा नगरस्तरीय आधारभूत तह (कक्षा ८) उत्तीर्ण परीक्षाको तालिका सार्वजनिक भएको छ । नगरस्तरीय आधारभूत तह उत्तीर्ण परीक्षा समितिको निर्णायानुसार चन्द्रागिरि नगरपालिकामा चैत्र ८ गतेबाट परीक्षा सञ्चालन हुनेछ ।

पहिलो दिन अनिवार्य अंग्रेजी विषयको परीक्षा हुनेछ भने परीक्षाको अन्तिम दिन चैत्र १६ गते स्थानीय विषय वा अन्य विषयको परीक्षा हुने बताइएको छ ।

तोकिएको तालिका अनुसार परीक्षामा सामेल नहुने परीक्षाथीहरूलाई पुनः परीक्षाको व्यवस्था नहुने चन्द्रागिरि नगरपालिकाका शिक्षा शाखा प्रमुख कर्ण बहादुर भुवाजीले जानकारी दिए ।